कप बशी मधील संवाद ....

(नवरा बायकोमधील संवादावर आधारित)


एकदा बशी गंमतीने म्हणाली कपाला ...
असा कसा रे तू वेडा, सगळे धरतात तुझ्या कानाला....

कप म्हणाला ...
केलास ना स्वताच्या आकाराप्रमाणे उथळ विचार ...
मीच आठवतो सर्वांना..म्हणून तर म्हणतात एक कप चहा आणा...तू तर फक्त नावाला...

बशी रागावली....म्हणाली...
नको गर्व करूस आपल्या आकाराचा...खोली ही विचारात असावी आकारामध्ये नाही....

कप वरमाला...म्हणाला...
बरोबर आहे तुझे...गरम चहाचा दाह तूच कमी करतेस....कोणाच्या लक्षात येत नसेल पण कपाचा balance बशीच सांभाळते....

- सुहास